2021-ci il mayın 17-də Xəzər Universiteti İngiltərənin Middlesex Universiteti ilə birlikdə Creative Spark layihəsi çərçivəsində növbəti virtual seminar keçirdi. “Sahibkarlıqda qadınlar - çətinliklər və imkanlar” adı altında keçirilən seminarın növbəti qonağı İngiltərənin Middlesex Universitetinin dosenti Noha Saleeb idi.

Tədbir İnkişaf Mərkəzinin rəhbəri Raziyə İsayevanın giriş sözü ilə başladı. O, keçirilən silsilə seminarların mövzusu və məqsədi haqqında məlumat verdi. Middlesex Universitetinin professoru Dr. George Dafoulas seminarın natiqi Noha Saleeb`i təqdim etdi və iştirakçılara onun haqqında məlumat verdi.

Noha Saleeb təqdimatla çıxış edərək, uğurlu karyera yolundan və bu yolda qarşılaşdığı çətinliklərdən bəhs etdi, şəxsi həyat və karyera arasında balansı necə qorumaq mövzusunda öz təcrübəsini bölüşdü.

Sonda iştirakçılar öz suallarını ünvanladılar.

Seminarda Xəzər Universitetinin tələbə və əməkdaşları iştirak etdilər.