2021-ci il mayın 7-də azedu.az xəbər portalı Yusif Əfəndizadə ilə geniş müsahibə dərc etmişdir.
Portal qeyd edir ki, “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində xaricdə təhsil almaq imkanı qazanan gənclərdən biri də Yusif Əfəndizadədir. O, hazırda Dövlət Proqramı çərçivəsində Fransanın Lyon Universitetində doktorantura təhsili alır.
“Təhsilə yatırılan investisiya həm qazanclı, həm də uzunmüddətlidir” başlığı ilə verilmiş müsahibədə Y.Əfəndizadə Xəzər Universitetindən də bəhs edir: ”Əməkdaşlıq etdiyim Xəzər Universiteti ilə də zaman-zaman müəyyən mövzularda müzakirələrimiz olur. Universitet rəhbərliyi təhsil müəssisəsinin tədqiqatlara cəlb olunmasında olduqca maraqlı görünür. Bu, ilkin olaraq müsbət addım kimi qiymətləndirilməlidir.”
https://azedu.az/az/news/43173-tehsile-yatirilan-investisiya-hem-qazancli-hem-de-uzunmuddetlidir-