2021-ci il mayın 4-də “Youth Inc.” Sahibkarlıq Proqramının təşkilatçılığı ilə “from Start to Smart” sahibkarlığa dəstək layihəsi çərçivəsində Xəzər Universitetinin tələbələri üçün ZOOM vasitəsilə məlumatlandırıcı seminar keçirildi.

Karyera İnkişaf Mərkəzinin koordinatoru Elnurə Əhmədzadə seminarı açaraq, tələbələri salamladı. Sonra Youth Inc. əməkdaşı Aynur Əliyeva tələbələrə layihə, onun məqsədi və qeydiyyat prosesi barədə ətraflı məlumat verdi. Müxtəlif fakultələrin tələbələrinin iştirakı etdiyi seminarda Youth Inc. əməkdaşları Aynur Vəliyeva və Talifa İsgəndər tələbələrin suallarını cavablandırdılar.