Xəzər Universiteti Psixologiya departamentinin koordinatoru, Xəzər Psixoloji Xidmət Mərkəzinin rəhbəri psixoloq Mələk Kərimova Azərbaycan Respublikası Ədliyyə Akademiyasının mediasiya təlimi qurumu tərəfindən mediatorların peşə bacarıqlarının artırılması məqsədi ilə keçirilən “Ailə mediasiyası” təlimlərində iştirak etmişdir. M. Kərimova iştirakçıların bilik və bacarıqlarının yoxlanılması məqsədilə 2021-ci il mayın 3-də təşkil edilmiş imtahandan keçərək, təlimləri müvəffəqiyyətlə başa vurmuşdur.
Qeyd edək ki, bu il iyul ayının 1-dən etibarən Azərbaycanda məhkəmədən öncə mübahisələrin alternativ həlli yolu kimi mediasiya prosesinin tətbiqinə başlanılacaq. Xüsusilə boşanmalar zamanı tərəflərin birbaşa məhkəməyə deyil, mediasiyaya müraciət edilməsi nəzərdə tutulmuşdur.
Əlamətdar haldır ki, Xəzər Universitetinin tərəfdaşı olduğu Erasmus+ KA2 layihəsi - “Mediasiya: Təlim və ictimai transformasiya (MEDIATS)” layihəsi Azərbaycanda da tətbiq olunacaq bu prosesə öz töhfəsini verəcək.