2021-ci il aprelin 26-28-də Elektron Hökumətin İnkişafı Mərkəzinin təşkilatçılığı ilə dünya şöhrətli alim Lütfi Zadənin xatirəsinə həsr olunan “Rəqəmsal idarəetmədə süni intellekt” konfransı çərçivəsində Data yarışması keçirilmişdir.
Data yarışmasında mütəxəssislərlə bərabər müxtəlif universitetlərin tələbələrindən ibarət 185 komanda qeydiyyatdan keçmişdi. Data yarışmasının məqsədi bu sahədə Azərbaycanda olan mütəxəssislərin aşkar edilməsi, onlarla gələcəkdə əməkdaşlığın qurulması və gələcəkdə yeni layihələr həyata keçirilməsidir.
Xəzər Universiteti Təbiət elmləri və mühəndislik fakültəsinin Kompüter elmləri ixtisasının 4-cü kurs tələbəsi Elşən Qədimov yarışa tək qoşularaq 3-cü yeri tutmuş, 1000 AZN pul mükafatı, sertifikatla təltif olunmuşdur. İlk iki yerin qalibi isə müxtəlif şirkət və qurumların mütəxəssisləri olmuşdur.