30 aprel 2021-ci il tarixində Xəzər Universiteti İnkişaf Mərkəzi və İqtisadiyyat və Menecment fakültəsinin təşkilatçılığı ilə universitetin tərəfdaş olduğu Erasmus+ PICASP layihəsi çəçrivəsində “Dayanıqlı inkişaf naminə mədəni irs və turizm” adlı virtual seminar keçirilmişdir. Tədbir Azərbaycanda turizm imkanları və mədəni irsin qorunması məsələlərinin diqqətə çatdırılması məqsədini ilə təşkil olunmuşdur.
Seminarı Ülkər Bayramova açaraq qonaqları salamladı, tədbir və təqdimatların mövzusu haqqında məlumat verdi. İlk təqdimat Xəzər Universiteti İqtisadiyyat və Menecment fakültəsinin dekanı Dr. Ceyhun Məmmədovun təqdimatında “Dayanıqlı inkişaf naminə turizm” mövzusunda oldu.
Tədbirdə qonaq spiker qismində Azərbaycan Respublikası Dövlət Turizm Agentliyinin layihələr üzrə mütəxəssisi, həmçinin Xəzər Universitetinin məzunu Elçin Kərimov “Azərbaycanda mədəni irsin qorunması və mədəni turizm: Şəkinin tarixi hissəsi” adlı geniş təqdimatla çıxış etmişdir. Spiker çıxışında Azərbaycanda mədəni irs və mədəni turizm imkanlarından danışmış, xüsusilə Şəkinin mərkəzində olan mədəni-tarixi abidələr haqqında iştirakçılara geniş məlumat vermişdir.
Seminar mövzuları iştirakçılar tərədindən maraqla qarşılanmış və seminar iştirakçıların sualları və müzakirələrlə bitmişdir.
Tədbirdə Xəzər Universitetinin tələbələri və əməkdaşları, Azərbaycan Turizm və Menecment Universitetinin tanınmış professooru, sənətşünaslıq üzrə fəlsəfə doktoru Minaxanım Əsədli, Azərbaycan Turizm və Menecment Universitetinin tələbələri və əməkdaşları və həmçinin Miras Assosasiyasının üzvləri qoşulmuşdur.