2021-ci il aprelin 28-də Xəzər Universiteti İngiltərənin Middlesex Universiteti ilə birlikdə Creative Spark layihəsi çərçivəsində virtual seminar keçirdi. “Sahibkarlıqda qadınlar - çətinliklər və imkanlar” adı altında keçirilən seminarın növbəti qonağı Laura Həmidova idi.
Qeyd edək ki, o, Xəzər Universitetində Hüquq və Sosial Araşdırmalar üzrə həm bakalavr, həm də magistr dərəcəsi alıb və Azərbaycanda yerləşən “FireWorks HRM” şirkətinin qurucusudur.
MS TEAMS proqramı vasitəsilə baş tutan tədbir İnkişaf Mərkəzinin rəhbəri Raziyə İsayevanın giriş sözü ilə başladı. O, keçirilən silsilə seminarların mövzusu və məqsədi haqqında məlumat verdi.
Daha sonra Laura Həmidova öz təhsil və karyera yolundan danışaraq bu yolda üzləşdiyi çətinliklərdən bəhs etdi. O, özünün sahibkarlıq sahəsindəki təcrübəsini bölüşdü.
Bundan sonra iştirakçılar öz suallarını ünvanladılar.
Seminarda Xəzər Universitetinin tələbə və əməkdaşları ilə yanaşı, İngiltərənin Middlesex Universitetinin professoru Dr. George Dafoulas iştirak etdi.