27 aprel 2021-ci ildə Xəzər Universitetinin tərəfdaş olduğu PİCASP layihəsi çərçivəsində virtual görüş keçirilmişdir.Tədbirə Azərbaycandan Xəzər Universiteti İqtisadiyyat və menecment fakültəsinin və İnkişaf Mərkəzinin, Azərbaycan Turizm və Menecment Universitetinin əməkdaşları, Miras cəmiyyətinin üzvləri və layihənin tərəfdaş ölkələri olan İtaliya, Polşa, Litva, Rusiya, Qazaxıstandan nümayəndələr qoşulmuşdur.
Tədbirin əsas məqsədi Xəzər regionundakı müxtəlif qurumlardakı kursların vəziyyəti və cəlb edilə biləcək maraqlı tərəfləri müzakirə etmək idi.
Görüş layihə koordinatoru olan Italiyanın Ud’A Universitetinin (Università degli Studi G. d’Annunzio di Chieti-Pescara)nümayəndəsnin iştirakçıları salamlaması ilə başladı.Bundan sonra tərəfdaş universitetlərin əməkdaşları layihənin sonrakı addımları üçün bir baza olaraq qurumlarındakı kurslar və maraqlı tərəflər haqqında çıxış etdilər.
Daha sonra Xəzər Universiteti İqtisadiyyat və Menecment fakültəsinin dekanı Ceyhun Məmmədov təqdimatla çıxış etdi. O, turizm və otel menecmenti sahəsində kurikulumların inkişaf etdirilməsi mövzusunda danışdı.
Tədbir gələcək görüşlərin planlaşdırılmasının müzakirəsi ilə bitdi.