2021-ci il aprelin 26-da Milli Erasmus ofisinin rəhbərliyi ilə AESOP layihəsinin monitorinq görüşü keçirilib. Görüşdə Xəzər Universiteti ilə yanaşı digər yerli tərəfdaşlar-Naxçıvan Dövlət Universiteti, Gəncə Dövlət Universiteti və Naxçıvan Universitetinin də nümayəndələri iştirak ediblər.

Monitoring görüşündə Xəzər Universitetini Ülkər Bayramova, Mələk Kərimova və Xəzər Universitetinin ombudsmanı Aytac İbrahimli təmsil ediblər. Görüşdə layihə bitdikdən sonra onun nə dərəcədə effektiv olması, adı çəkilən universitetlərdə layihədən öncə, layihə gedişində və layihənin tamamlanmasından sonra müvafiq sahə üzrə hansı dəyişikliklərin olduğu və hal-hazırda universitet ombudsmanlarının fəaliyyəti müzakirə edilib.

Ombudsman Aytac İbrahimli fəaliyyətə başladığı müddətdən etibarən gördüyü işlərdən və universitet daxilində Ombudsman Mərkəzində edilən yeniliklərdən danışıb, növbəti aylar üçün nəzərdə tutulan təlimlər, görüşlər və fəaliyyətlər barədə qısa məlumat verib.