2021-ci il aprelin 23-də Xəzər Universiteti İngilis dili və ədəbiyyatı departamentinin, keçən il olduğu kimi, online formatda MS Teams platforması üzərindən keçirdiyi Bədii Qiraət yarışmasının bu ilki “Poetik Səslər” adlı mərhələsi baş tutub. Müsabiqədə bu il diqqət çəkən məqam ondan ibarət idi ki, şeir səsləndirən 50-dan çox Xəzər Universitetinin tələbələrinin böyük bir hissəsi İngilis dili və ədəbiyyatı departamentinə yox, digər departament və ixtisaslara mənsub idilər. Tələbələr şeirləri mükəmməl səsləndirdilər. Şeirlər müxtəlif dövrlərdən seçilmişdi və müxtəlif şairlərin üslublarını əks etdirirdi. Universitetin əməkdaşları da müsabiqədə iştirak etmişdir. Tədbir təxminən iki saat yarım çəkmişdir.

Keçən il keçirilən müsabiqənin qalibləri:

1-ci yer: Xəyalə Abbasova;

2-ci yer: Rahilə Məmmədova, Günel Həşimli, Şəms İmanova;

3-cü yer: Sonası Vəliyeva, Tamella Məmmədli, Zəkiyyə Əmirli, Nailə İbadova.

Media üzrə dəstəyinə görə Fidan İsbarova isə təşəkkürnamə ilə təltif olunmuşdur.

Bu il keçirilən “Poetik Səslər” adlı müsabiqənin qalibləri:

1-ci yer: Neyjen Sultanova, Nastassia Kalasauskaya və Cavidan Əsgərov;

2-ci yer: Afaq Mustafazadə, Xanmed Paşazadə və Renat Məcidov:

3-cü yer: Afeliya Gocayeva, Beki İdahosa, Gülnaz Allahverdiyeva və Ayşən Abışova:

4-cü yer: Toğrul Salmanlı, Ülkər Məmmədova, Ətir Quliyeva və Gülarə Məmişova.

Pandemiyanın hökm sürdüyü bu çətin dövrdə bu qədər tələbə və heyətin bir araya gəlməsi ürəkaçan və sevindirici bir hal idi. Tədbirin mövcud çətin günlərdən bizi bir qədər uzaqlaşdırıb yeni ruh qatacağına dair şübhəmiz olmasa da, hər şey gözlənildiyindən də yüksək səviyyədə baş tutdu və iştirakçıların əhvalına müsbət təsir göstərdi. Bu kimi tədbirlərdə iştirak edərək ictimaiyyət qarşısında çıxış etmək uğurun əsas amillərindən biri olan özünə güvən və cəsarətin təzahürüdür. Bu baxımdan Departament üzvləri və iştirak edən tələbələri yüksək qiymətləndirir və öz təşəkkürümüzü bildiririk.