2021-ci il aprelin 23-də Xəzər Universitetinin London Middlesex Universiteti (Middlesex Universitety London) ilə birlikdə həyata keçirdiyi “Creative Spark” layihəsi çərçivəsində Big Idea Challenge müsabiqəsi haqqında məlumatlandırıcı görüş olub. Görüşün əsas məqsədi keçiriləcək müsabiqənin şərtləri haqqında ətraflı məlumat vermək və yarışmada iştirak edəcək tələbələrin ideyalarını dinləmək idi.

Tədbir İnkişaf Mərkəzinin layihə meneceri Səbinə Quluyevanın iştirakçıları salamlaması ilə başladı. Sonra Middlesex Universitetinin professoru George Dafoluas təqdimatla çıxış edərək, yarışma haqqında ətraflı məlumat verdi. O, yarışma şərtləri, öncəki ildə keçirilən yarışın nəticələri haqqında danışaraq, tələbələrə öz tövsiyələrini verdi.

Tədbirdə Xəzər Universitetinin tələbələri və İnkişaf Mərkəzinin əməkdaşları iştirak edirdilər.

Görüş sual-cavab sessiyası ilə yekunlaşdı.