15 aprel 2021-ci il aprelin 15-də Xəzər Universiteti Təlim və Tədris Mərkəzinin təşkilatçılığı ilə magistr, doktorant tələbələr, akademik heyət və tədqiqatçılar üçün nəzərdə tutulmuş növbəti virtual tədqiqat seminarı keçirilmişdir. Seminarda Valencia Politexnik Universitetinin (UPV) əməkdaşı Dr. Javier Orozco-Messana “Disiplinlərarası hibrid öyrənmə” mövzusunda təqdimatla çıxış etmişdir.
Seminar Xəzər Universitetinin rektoru dosent İradə Xəlilova tərəfindən açılmış və mövzunun bu günkü təhsil üçün aktuallığı vurğulanmışdır. Dosent Xəlilova maraqlı mövzunun təqdimatına görə spikerə təşəkkür etmiş və seminar iştirakçılarına uğurlar arzulamışdır.
Dr. Messana təqdimatında disiplinlərarası hibrid öyrənmənin ali təhsil müəssisələrində planlaşdırılması, həyata keçirilməsi, tələbələrin və maraqlı tərəflərin bu prosesə necə cəlb olunması məsələləri haqqında danışmışdır. Spiker öz çıxışında əməkdaşı olduğu Valencia Politexnik Universitetinin timsalında nümunələr göstərmiş və alınmış nəticələri seminar iştirakçıları ilə bölüşmüşdür. Dr. Messana həmçinin qeyd etmişdir ki, disiplinlərarası hibrid öyrənmə komanda əsaslı və layihə əsaslı öyrənmədir və tələbələrin müstəqil öyrənməsi üzərində qurulmuşdur.
Dr. Messana tərəfindən təqdim edilən mövzu iştirakçıların böyük marağına səbəb olmuş, təqdimatla bağlı sualları cavablandırılmışdır.
Tədbirə Xəzər Universitetinin əməkdaşları və tələbələri ilə yanaşı, Gənjə Dövlət Universitetinin, Bakı Slavyan Universitetinin və Azərbaycan Dillər Universitetinin əməkdaşları da qatılmışlar.