Xəzər Universitetinin Nanotexnologiya tədqiqat qrupunun üzvü olan Bakı Ali Neft Məktəbinin bakalavr tələbələri Sunay Həsənov, Elnur Rəsulov və İsmayıl Əliyevin Dr. Rasoul Moradinin elmi rəhbərliyi və Dr. Amir Reza Vakhshourinin məsləhətçiliyi ilə universitetin Nanotexnologiya laboratoriyasında “Qrafen və qrafen-oksidinin poliuretan mexaniki xüsusiyyətlərinin yaxşılaşdırılmasına təsiri” mövzusunda apardıqları tədqiqat işinin nəticəsi Materials today: proceedings jurnalında dərc edilmişdir.

Qrafen və qrafen oksidi modellərində poliuretanın səth adsorbsiyasını araşdırmaq üçün molekulyar dinamik yanaşma tətbiq olunmuşdur. Eyni ölçülü qrafen (G) və qrafen oksidi (GO) nümunələri (2D ölçüI 96 × 57 Ų) yaradılmış, karbonil, karboksil, epoksil və hidroksil qruplarının sayı dəyişdirilərək müxtəlif növ GO nümunələri əldə edilmişdir. Oksidləşmə dərəcələri yüksək olan GO nümunələri qrafenlə (G) müqayisədə daha yaxşı adsorbsiya nümayiş etdirmişdir. Bundan əlavə, radial paylama funksiyası (RDF) analizi aparılmış və simulyasiya modelinin təsdiqlənməsi üçün istifadə edilmişdir. Daha sonra polimerə G/GO əlavə edilməsinin poliuretanın (PU) mexaniki xassələri üzərində təsiri araşdırılmışdır. Qrafenin əlavə edilməsinin Young’ın modulunun 0.42 GPa'dan 4.88 GPa'ya qədər əhəmiyyətli artımına səbəb olduğu aşkar edilmiş, yüksək oksidləşən GO lövhəsinin tətbiqi isə 0.54 Gpa-1.39 Gpa-ya uyğun daha aşağı qiymətlə nəticələnmişdir.

Məqaləni bu link vasitəsilə oxumaq olar:

https://www.sciencedirect.com/science/article/pii/S2214785321025827?dgcid=author