2021-ci il aprelin 12-də AMEA N.Tusi adına Şamaxı Astrofizika Rəsədxanası və Təbiət elmləri və mühəndislik fakültəsinin birgə təşkilatçılığı ilə "Ümümdünya Aviasiya və Kosmonavtika Günü"nün 60 illiyinə həsr olunmuş onlayn seminar keçirilmişdir. Qeyd edək ki, 1961-ci il 12 aprel tarixində ilk dəfə olaraq Yuri Qaqarin Sovet İttifaqının Baykonur start məntəqəsindən Vostok gəmisi ilə kosmosa uçmuş, 108 dəqiqəlik uğurlu uçuşdan sonra Yerə qayıtmışdır. Məhz bu əlamətdar hadisə ilə əlaqədar həmin tarix dünyanın bir çox ölkəsində “Ümumdünya Aviasiya və Kosmonavtika Günü” kimi qeyd olunur.
Seminar Fəxrəndə Əlimərdanovanın giriş sözü ilə başladı. O, bu əlamətdar gün və seminarın məqsədi haqqında tələbələrə məlumat verdi. Sonra AMEA N.Tusi adına Şamaxı Astrofizika Rəsədxanasının əməkdaşı fizika-riyaziyyat üzrə fəlsəfə doktoru, dosent Ədalət Ətayi təqdimatla çıxış etdi. Məruzəçi kosmik uçuşlar, kosmos haqqında maraqlı, yeni məlumat və bilikləri seminar iştirakçılarının diqqətinə çatdırdı.
İnteraktiv şəkildə keçən seminarda tələbələrlə mövzu ətrafında geniş fikir mübadiləsi aparıldı, iştirakçıların sualları cavablandırıldı.