12 Aprel 2021-ci il aprelin 12-də Xəzər Universitetinin İnkişaf Mərkəzi və İqtisadiyyat və menecment fakültəsi Erasmus+ PICASP layihəsi çərçivəsində universitetin əməkdaşları və tələbələr üçün məlumatlandırıcı seminar keçirmişdir.
Tədbir İnkişaf Mərkəzinin layihə meneceri Səbinə Quluyevanın giriş sözü ilə başladı. O, seminarın məqsədi haqda tələbələrə məlumat verdi. Sonra universitetin Təlim və Tədris Mərkəzinin rəhbəri Ülkər Bayramova təqdimatla çıxış edərək layihə, məqsədləri, görüləcək işlər haqqında ətraflı məlumat vermişdir.
Sonda İqtisadiyyat və menecment fakültəsinin dekanı Ceyhun Məmmədov layihə çərçivəsində fakültədə ediləcək dəyişikliklər haqqında tələbələri məlumatlandırmış və onların suallarını cavablandırmışdır.