2021-ci il aprelin 9-da Xəzər Universiteti Middlesex Universiteti (Middlesex Universitetiy London) ilə birlikdə British Council tərəfindən maliyyələşən Creative Spark layihəsi çərçivəsində növbəti vebinar təşkil etdi. “Sahibkarlıqda qadınlar - çətinliklər və imkanlar” adı altında keçirilən virtual seminarın növbəti qonaq natiqi İvane Cavaxişvili adına Tbilisi Dövlət Universiteti Keyfiyyət Təminatı Mərkəzinin rəhbəri İrma Grdzelidze oldu.
Tədbir Middlesex Universitetinin professoru George Dafoulos`un iştirakçıları salamlaması ilə başladı. O, görüşün qonağını təqdim etdi. İrma Grdzelidze təqdimatla çıxış edərək, öz karyera yolundan və bu yolda qarşılaşdığı çətinliklərdən bəhs etdi. Karyera və şəxsi həyat arasında balansı necə qorumalı mövzusunda öz təcrübəsini bölüşdü və ona ünvanlanan sualları cavablandırdı.
Sonda George Dafoulos Xəzər Universitetinə və tədbirin qonağına təşəkkürünü bildirdi.
Seminarda Xəzər Universitetinin tələbələri və əməkdaşları ilə yanaşı, İngiltərənin Middlesex Universitetinin və Gəncə Dövlət Universitetinin nümayəndələri iştirak edirdilər.