2021-ci il aprelin 3-də Xəzər Universiteti Təlim və Tədris Mərkəzinin təşkil etdiyi növbəti danışıq sessiyaları keçirilmişdir. Universitetin xarici tələbələri Ranmalie Amunarawa və Noora Al-shinnayin tərəfindən MS TEAMS vasitəsilə keçirilən bu həftəki sessiyada 12 tələbə iştirak etmişdir.

Tələbələrin ingilis dilində danışıq bacarıqlarını inkişaf etdirmək məqsədilə təşkil olunan danışıq sessiyalarının bu dəfəki mövzuları aşağıdakı kimi olmuşdur:

1. Konfliktər – Konflikt nədir? Konfliktlə necə başa çıxırsınız?
2. Uşaqlıq illəri – Uşaqlığınızın ilk xatirəsi nədir? Ən sevdiyiniz oyuncağınız nə olub? İndiki dövrdə uşaqlara öyrətməli olduğumuz ən vacib şey nədir?
3. İdman və sağlamlıq – Hansı idmanla məşğulsunuz? Hamının ən azından bir idman növü ilə məşğul olması vacibdirmi? Sağlam qalmaq üçün nə edirsiniz?
4. Görünüş – Bir insanda ilk nə diqqətinizi çəkir? Bir insanın geyindiyi paltar o insan haqqında nə deyir?