2021-ci il martın 31-də Azərbaycanlıların Soyqırımı Günü ilə əlaqədar Xəzər Universiteti Tarix və arxeologiya departamentinin təşkilatçılığı ilə Humanitar, təhsil və sosial elmlər fakültəsinin tarix müəllimliyi ixtisasının tələbələri üçün virtual elmi seminar keçirilmişdir. Seminarda AMEA Milli Azərbaycan Tarixi Muzeyinin Vətən Müharibəsi Fondunun müdiri, A. A. Bakıxanov adına Tarix İnstitutunun doktorantı Şəfa Mövsümov “Mart soyqırımı: ermənilərin azərbaycanlılara qarşı kütləvi terroru” mövzusunda məruzə etmişdir. Məruzədən sonra tələbələrin sualları cavablandırılmış və mövzu üzrə müzakirə aparılmışdır.