2021-ci il martın 11-də Xəzər Universitetinin yeni ombudsmanı Humanitar, təhsil və sosial elmlər fakültəsinin birinci kurs tələbələri ilə virtual görüş keçirmişdir. Görüşü açan ombudsman vəzifəsinin yeni icraçısı - Aytac İbrahimli tələbələrə özünü təqdim etmiş və ombudsman təsisatı barədə onları məlumatlandırmışdır.
Görüşdə universitetin ombudsman ofisinin fəaliyyəti və tələbələrin öz müraciətlərini hansı formalarda edə biləcəyi barədə ətraflı məlumat verilmiş, tələbələrin sualları cavablandırılmışdır. Həmçinin, bu görüşün effektivliyinin ölçülməsi üçün tələbələr görüşdən əvvəl və sonra ombudsmanın təqdim etdiyi iki fərqli sorğu nümunəsini cavablayaraq, təqdim etmişlər.
Tələbələrlə tanışlıq və məlumatlandırma məqsədilə keçirilən bu görüşdə bir neçə tələbənin istəyi ilə onları maraqlandıran məsələlərlə bağlı ombudsmanla təkbətək görüş təyin edilmişdir.
Görüşdən sonra sorğu nümunələrindəki cavablara əsasən, müvafiq mövzularla bağlı növbəti görüşlərin təşkil olunması qərara alınmışdır. Yaxın günlərdə bu barədə elan veriləcəkdir.