2021-ci il fevralın 8-də Erasmus+ “Mediasiya: öyrənmə və ictimai transformasiya” (MEDIATS) layihəsi çərçivəsində Azərbaycan Mediasiya Şurası ilə virtual görüş keçirilmişdir. Görüşün məqsədi layihənin Azərbaycandan olan tərəfdaş universitetlərində mediasiya ixtisasının açılması ilə bağlı məsələlərin, mediasiya ixtisasının yerli qanunvericiliyə və universitetlərin imkanlarına uyğun açılması və tərəfdaş universitetlərin Azərbaycan Mediasiya Şurası ilə əməkdaşlığı məsələləri müzakirə edilmişdir.
Görüşdə Niderland Biznes Akademiyasının rektoru və layihənin koordinatoru olan prof. Jan van Zwieten, Azərbaycan Mediasiya Şurasının icraçı direktoru Ruslan Mirzəyev, Xəzər Universiteti İqtisadiyyat və menecment fakültəsinin dekanı Dr. Ceyhun Məmmədov, Siyasi elmlər və fəlsəfə departamentinin müdiri Dr. Elmar Mustafayev, Təlim-tədris mərkəzinin direktoru Ülkər Bayramova və Gəncə Dövlət Universitetinin əməkdaşları iştirak etmişlər.