2021-ci il fevralın 1-də Niderland Biznes Akademiyasının koordinatoru olduğu Erasmus+ “Mediasiya: öyrənmə və ictimai transformasiya” (MEDİATS) layihəsi çərçivəsində tərəfdaş universitetlərlə birlikdə virtual idarəetmə görüşü keçirilmişdir. Tədbirdə Xəzər Universitetindən Siyasi elmlər və fəlsəfə departamentinin müdiri Dr. Elmar Mustafayev və Təlim-Tədris Mərkəzinin direktoru Ülkər Bayramova iştirak etmişlər. Tədbir zamanı layihədə indiyə qədər görülmüş işlər haqqında məlumat verilmiş, Mediasiya ixtisası açılmış tərəfdaş universitetlərin hesabatları dinlənilmiş, layihədə qarşıda duran işlər, növbəti görüşlərin və təlimlərin vaxtı müzakirə edilmişdir.
Görüşdə 10 tərəfdaş universitetdən (Azərbaycan, Gürcüstan, Ukrayna, Hollandiya, İspaniya və Latviya) nümayəndələr iştirak etmişdir.
İdarəetmə görüşündən sonra Niderland Biznes Akademiyasının rektoru və layihənin koordinatoru olan professor Jan van Zwieten ilə Xəzər Universiteti və Gəncə Dövlət Universitetinin əməkdaşları ayrıca görüşmüşdür. Görüşdə mediasiya ixtisasının açılması ilə bağlı bir çox məsələlər müzakirə edilmiş və mediasiya ixtisasının yerli qanunvericiliyə və universitetlərin imkanlarına uyğun açılması məsələləri müzakirə edilmişdir. Professr Jan van Zwieten ilə görüşdə Xəzər Universiteti İqtisadiyyat və menecment fakültəsinin dekanı Dr. Ceyhun Məmmədov və İnkişaf Mərkəzinin direktoru Raziyə İsayeva da iştirak etmişlər.