2021-ci il yanvarın 31-də Xəzər Universiteti Təlim və Tədris Mərkəzinin təşkilatçılığı ilə magistr, doktorant tələbələr, akademik heyət və tədqiqatçılar üçün nəzərdə tutulmuş virtual tədqiqat seminarı keçirilmişdir.

Qazi Universiteti (Türkiyə) Təhsil fakültəsinin Kompüter təhsili və təlim texnologiyaları departamentinin əməkdaşı Dr. Çələbi Uluyol  “Rəqəmsal mühitdə aktiv öyrənmə” mövzusunda təqdimatla çıxış etdi. Dr. Uluyol təqdimatında elektron təhsil, aktiv öyrənmə, Covid-19 pandemiyası dövründə universitetlərin elektron təhsilə keçməsi, effektiv onlayn təhsilin verilməsi üçün mövcud olan müxtəlif imkanlar haqqında dinləyicilərə məlumat verdi. Məruzəçi müxtəlif təhsil platformaları vasitəsilə dərslərin, təqdimatların, quizlərin və testlərin hazırlanmasını interaktiv şəkildə iştirakçılara nümayiş etdirdi.

Seminarın sonunda dinləyicilər məruzəçiyə onları maraqlandıran sualları ünvanladılar və həmçinin çox maraqlı və interaktiv keçən seminar üçün Dr. Uluyola öz təşəkkürlərini bildirdilər.