Noyabrın 26-da Xəzər Universitetinin Psixologiya departamentinin müəllimi və doktorantı Nilufər Əlizadə “MET”( Modern Energy Tapping), “EEFT” və “EMO” (Energy in Motion) daxil olmaqla “Emotional Freedom Techniques” (EFT) sahələri üzrə Enerjistlər Gildiyasının üzvü və beynəlxalq treyner tərəfindən keçirilən üç günlük təlim proqramını başa vuraraq, beynəlxalq sertifikata layiq görüldü və Enerjistlər Gildiyasına üzv oldu.

Klassik EFT (Emotional Feedom Techniques) ilk tətbiq olunandan bəri insanlar enerji və duyğular arasındakı səbəb-nəticə əlaqələri, necə düşündükləri, hiss etdikləri haqqında mühüm biliklərə yiyələndilər. Bu, əslində, "insanların necə işləmələri"nin əsas prinsipləri barədə bir çox yeni kəşflərə yol açan klassik EFT praktikası idi. Bu sahədəki kəşfləri Enerji EFT-nin praktik təcrübəsi ilə bir araya gətirən yeni GoE Energy EFT Master Practitioner kursu 1999-cu ildən bəri klassik EFT (Emotional Freedom Techniques) nəzəriyyəsi və praktikasında ilk əhəmiyyətli yenilikdir. GoE Energy EFT Sertifikatlaşdırma Təlimlər Proqramını və distant təhsil alan tələbələr üçün əlavə təlimləri özündə cəmləşdirən bu kurs Enerji EFT sahəsində irəliləyiş əldə etmək üçün ən müasir, geniş metod, texnika və strukturları ehtiva edir.