2021-ci il yanvarın 5-də Xəzər Universitetinin Psixologiya departamentinin müəllimi və doktorantı Nilufər Əlizadə “Travmaların həyat seçimlərimizə təsiri” adlı vebinar keçirmişdir. Vebinar iştirakçıları öncədən elan olunmuş vebinarda iştirak üçün yazıb göndərdikləri motivasiya məktubu əsasında seçilmişlər. Vebinarda veriləcək məlumatlardan ən çox yararlanacaq 25 şəxs seminarda iştirak hüququ əldə etmişdir.

Vebinar vorkshop şəklində keçirilərək, travmatik hadisələrin təsiri haqqında məlumat verilmiş, ailə, valideyn və digər sosial faktorların təsirlərinə görə yarana biləcək mənfi inancların insan həyatına təsirləri müzakirə olunmuşdur. Vebinarın sonunda iştirakçılara praktik istifadə edə biləcəkləri məlumatlar və travmatik hadisələrin mənfi təsirlərini azalda biləcək texnikalar öyrədilmişdir.