2020-ci il dekabrın 22-də lent.az xəbər portalında BDU-nun Azərbaycan tarixi (təbiət fakültələri üzrə) kafedrasının müdiri Mehman Abdullayevin Süleyman Əliyarlı haqqında “Görkəmli alimimiz və böyük müəllimimiz” adlı geniş məqaləsi dərc edilmişdir. Alimin 90 illik yubileyinə həsr olunmuş məqlədə Süleyman Əliyarlının Xəzər Universitetinin təşkil etdiyi “Elm və sənət” məclislərinin daimi iştirakçılarından biri kimi Azərbaycan tarixinin çox mühüm və taleyüklü problemləri haqqında məruzələrlə çıxış etdiyi qeyd olunmuşdur.