2020-ci il dekabrın 2-də Xəzər Universiteti EİLİNK Tədqiqat və İnkişaf Mərkəzi UniLab layihəsi çərçivəsində növbəti virtual seminar keçirmişdir. Seminarda Xəzər Universiteti EILINK Tədqiqat və İnkişaf Mərkəzinin baş məsləhətçisi Dr. Rüstəm B. Rüstəmov “Şərtlər və həssas seqmentlər-biznesin/karyer quruculuğunun ehtiyacları və uğurları” mövzusunda təqdimatla çıxış etmişdir. Dr. Rüstəm B. Rüstəmov təqdimatında karyeraya başlayarkən təşkilatları necə seçmək, müsahibələrə necə hazırlaşmaq, əməkdaş olaraq hansı keyfiyyətləri özündə formalaşdırmaq və özünü necə inkişaf etdirmək kimi vacib məsələlərə toxunmuşdur.

Ülkər Bayramovanın moderatorluq etdiyi tədbirdə Xəzər Universiteti İnkişaf mərkəzinin əməkdaşları, İqtisadiyyat və menecment fakültəsinin əməkdaşları və tələbələri ilə yanaşı, qonaq iştirakçılar da olmuşdur.

Seminar iştirakçıların məruzəçiyə sualları, təlimçinin tələbələrə tövsiyələri, həmçinin də gələcək seminar mövzularının təklifi ilə bitmişdir.