2020-ci il noyabrın 27-də Xəzər Universitetinin İnkişaf mərkəzi ilə Təbiət elmləri və mühəndislik fakültəsi Erasmus+ UniLab layihəsi çərçivəsində virtual məlumatlandırıcı seminar keçirdilər. Tədbir fakültənin dekan əvəzi, eyni zamanda UniLab layihəsinin üzvü Fəxrəndə Əlimərdanovanın giriş sözü ilə başladı. O, seminarın məqsədləri haqda məlumat verdi. Sonra UniLab layihəsinin üzvü və Xəzər Universiteti Təlim və tədris mərkəzinin direktoru Ülkər Bayramova təqdimatla çıxış edərək, layihənin məqsədi, gözlənilən nəticələri və layihə çərçivəsində keçirilən tədbirlər haqda məlumat verdi.

Daha sonra tələbələr təcrübə zamanı yaranan çətinliklər haqda öz fikirlərini bölüşdülər.Yerli və xarici şirkətlərdəki təcrübə proqramları və mövcud pandemiya dövründə qəbulolma şərtləri haqda müzakirələr aparıldı.

Görüşün sonunda tələbələrin təcrübə imkanları haqqında sualları cavablandırıldı.