Xəzər Univeristetinin Təbiət Elmləri və Mühəndislik fakültəsinin alimləri Dr. Ramin Xamedi, Dr. Rasoul Moradi və Dr. Hassan Niknafs tərəfindən birgə hazırlanan “Experimental and numerical analyses of carbon steel sheet metal forming process using strain rate, dependent friction model” adlı məqalə “Elsevier” bazasında daxil olan “Material Today” jurnalında nəşr olunmuşdur. 

Tədqiqatın əsas məqsədi dərin çəkmə, divar ütüləmə və tavlama mərhələləri də daxil olmaqla, karbon polad silindrinin əmələ gəlməsi prosesini eksperimental olaraq sınaqdan keçirmək və modelləşdirmək olmuşdur. Təcrübə testləri bir ara halqa ilə ayrılmış iki çəkmə və ütüləmə halqasından istifadə etməklə aparılmışdır. Müxtəlif formalaşma mərhələlərinin həndəsi modelləşdirilməsi sonlu element metodunun (FEM) tətbiqi ilə aparılmışdır. Sonlu element modelindən əldə edilən nəticələr təcrübə sınaqları ilə müqayisə və təsdiq edilmişdir. Alınmış nəticələr təcrübi testlərlə uyğunluq göstərmişdir. Bundan başqa, çəkmə sürəti kimi formalaşdırma parametrlərinin əlavə gərginliklər üzərindəki təsiri və çəkmə gücü və çanaq yüksəkliyi də iki sürtünmə rejimində, sürtünmə modelinin gərginlik dərəcəsindən asılı əmsalı və sabit sürtünmə əmsalı rejimində, FEM vasitəsilə araşdırılmışdır. Nəticələr sürtünmə əmsalının çəkmə qüvvəsinə və divar qalınlığının azalmasına böyük təsir göstərdiyini sübut etmişdir. 

Məqaləni bu link vasitəsilə oxumaq olar:

https://www.sciencedirect.com/science/article/pii/S2214785320356595#!