Xəzər Universiteti İqtisadiyyat departamentinin doktorantı Mustafa Məhəmməd Alalawnehin müəllifi olduğu “FDI (Birbaşa xarici investisiyanın) işsizliyə təsiri: Panel məlumatları yanaşması” adlı məqalə Scopus bazasına daxil olan “Emerging Science Journal (ESJ)” jurnalında dərc edilmişdir.

Tədqiqatçı 1990-cı ildən 2018-ci ilə qədər dövrdə panel məlumatlarından istifadə edərək, Orta Şərq və Şimali Afrikadan olan altı ölkədə, xüsusilə, Misir, İordaniya, Livan, Mərakeş, Tunis və Türkiyədə işsizliyə birbaşa xarici investisiyanın təsirini araşdırmışdır. Nəticələr göstərir ki, FDİ uzun müddət ərzində işsizlik nisbətini, kişi işsizliyini və qadın işsizliyini azaldır. Tədqiqatın nəticələri ayrıca, qısa müddətdə birbaşa xarici investisiya və müxtəlif formalarda işsizlik arasında əlaqələrinin olmadığını, eyni zamanda, üç iqtisadi modelə görə xarici investisiya və ixrac arasında iki istiqamətli səbəbli əlaqənin olduğunu ortaya qoyur.

Məqaləni bu link vasitəsilə oxumaq olar:

https://www.ijournalse.org/index.php/ESJ/article/view/387