2020-ci il iyunun 22-də Azərbaycan Respublikasının Təhsil Nazirliyi Xəzər Universitetinin 21 may 2020-ci il tarixli 01/9117 nömrəli məktubuna cavab vermişdir. Məktubda Xəzər Universitetinin 2016-2020-ci illərdə Təhsil Nazirliyi və ölkənin 8 ali təhsil müəssisəsi ilə birgə ERASMUS+ proqramının PETRA layihəsi çərçivəsində həyata keçirdiyi layihə müsbət qiymətləndirilmişdir.

Qeyd edək ki, layihənin məqsədi ali təhsil müəssisələrinin inkişafı üçün Təlim-Tədris Mərkəzlərinin yaradılması, elektron təhsil laboratoriyalarının qurulması, həmin universitetlərdə akademik və inzibati heyət üzvlərinin, eləcə də, nazirlik əməkdaşlarının Avropa universitetlərində təşkil olunan təlimlərdə və onlayn dərslərdə iştirakın təmin edilməsi və s. idi.

Məktubda daha sonra PETRA layihəsinin əsas məqsədlərinin “Azərbaycan Respublikasında təhsilin inkişafı üzrə Dövlət Strategiyası”nda nəzərdə tutulmuş strateji hədəflərə uyğun olduğu və layihənin həmin strategiyanın həyata keçirilməsinə töhfə verəcəyinə inanıldığı qeyd olunur.