Xəzər Universitetinin Həyat elmləri departamenti və Azərbaycan Elmi-Tədqiqat Baytarlıq İnstitutu birgə başladıqları “Azərbaycanın Cənub bölgəsində iri buynuzlu heyvanların nodulyar dermatit virusunun tədqiqatı” layihəsi davam edir. Bu mərhələdə mütəxəssislər topladıqları gənələri (xəstəliyin daşıyıcısı) identifikasiya proseslərini həyata keçirirlər. Bu proses zamanı gənələr növə, cinsə, cinsiyyətə və yaşa görə təfriq edilir. Ümumilikdə, 360 gənə toplanılmışdır. Toplanılan gənələrdən 216 (erkək 63, dişi 153) ədədi Boophilus spp., 144 (erkək 23, dişi 44, sürfə 77) ədədi isə İxodid spp. olmuşdur. Layihədə növbəti addım törədicinin genomunu ayırmaq və onu molekulyar bioloji üsullarla tədqiq etməkdir. Xatırladaq ki, xəstəliyin törədicisini həm iri buynuzlu heyvanlarda, həm də vektorlarda (daşıyıcılrda) müasir üsullarla (molekulyar bioloji üsullarla) tədqiqi Azərbaycanda ilk dəfə olaraq həyata keçiriləcək.