Xəzər Universitetinin nəzdində fəaliyyət göstərən “Dünya” məktəbinin şagirdləri –Rəsul Məmmədov və Alsu Məmmədlinin valideyni Raziyə İsayeva məktəbin rəhbərliyinə, müəllimlərə və “Dünya” məktəbinə təşəkkür məktubu göndərən valideynlərə məktub vasitəsilə təşəkkürünü bildirmişdir. Məktubun mətni belədir:

Hörmətli Rühəngiz xanım,

Sizə “Dünya” məktəbinə bu cür dəstək göstərdiyiniz və bu təşəbbüsü başladığınız üçün xüsusi təşəkkürümü bildirəm. Mənim də iki övladım “Dünya” məktəbinin şagirdidir. Hər ikisinin təhsilindən, müəllimlərindən, “Dünya” məktəbində yaradılmış xüsusi şəraitdən; oradakı mehriban, qayğıkeş mühitdən, əzimkar, inkaşaf yönümlü, peşəkar pedaqoji heyətdən həddindən artıq razıyam.

Pandemiyadan əvvəl hər iki övladımın hər gün məktəbə sevə-sevə getməsi məni bir valideyn kimi çox xoşbəxt edirdi, bir gün də olsa, onları dərsdən saxlaya bilmirdim. Pandemiya dövründə də “Dünya” məktəbi heç bir maneədən çəkinməyərək, onlayn təhsildə də öz sözünü dedi, hər gün, hər saat keyfiyyətli təhsil verib bizim övladlarımızı davamlı öyrətdi, öyrənməyə həvəslərini birə-beş artırdı. Baxmayaraq ki, onlayn tədris əyani tədrisdən daha çətindi, “Dünya” məktəbinin kollektivi gecə-gündüz çalışıb tədris ilini keyfiyyətlə başa vurdu.

Bu cür qayğıkeş münasibətə, yaradılmış hər cür şəraitə, hər uşağa göstərdiyi xüsusi qayğı və diqqətə görə, ən əsası isə verdiyi keyfiyyətli təhsilə görə “Dünya” məktəbinin bütün kollektivinə öz təşəkkürümü bildirirəm və onlara istənilən dəstəyi göstərməyə, həm valideyn, həm də bir peşəkar kimi hər an hazıram.

Hörmətlə,

Raziyə İsayeva,

Rəsul Məmmədov və Alsu Məmmədlinin valideyni