Xəzər Universitetinin nəzdində fəaliyyət göstərən “Dünya” məktəbi IB qrupunun şagirdlərindən bir qrupunun valideyni məktəbin təsisçisi Nailə xanım İsayevaya məktub göndərmişdir. Məktubun mətni belədir:

Hörmətli Nailə xanım,

Bu məktubu sizə Ceyhun Məmmədov (Elvin Məmmədovun valideyni), Elçin Mustafayev (Cəlal və İlyas Mustafayevlərin valideyni), Qabil Həsənov (Natiq və Əsmər Həsənlilərin valideyni), Rauf Atakişiyev (Davud və Pəri Atakişiyevlərin valideyni), Nəriman Rəhimov (Cövdət Rəhimlinin valideyini), Atəş Hüseynov, Şəlalə Hüseyin (Lamiyə Hüseyinin valideynləri), Pərvin Məcidova (Nəzrin Məcidovanın valideyni), Vəfa Məmmədova (Toğrul Məmmədovun valideyni), Ruslan Əliyev (Mədinə və Məryəm Əliyevlərin valideyni) yazır və eyni zamanda, əminik ki, bir çox valideynlər də bizimlə həmfikirdirlər.

İlk növbədə, Sizə təşəkkür edirik ki, bu gün respublikamızda koronavirus pandemiyası ilə əlaqədar olaraq, tətbiq edilən karantin rejimində dərslərin keçirilməsini peşəkar təşkilatçılığınızla onlayn qaydada təşkil edərək, övladlarımızın təhsil almasına şərait yaratmısınız.

Eyni zamanda, təəssüf hissi ilə qeyd etmək istərdik ki, bu günlərdə mətbuatda yayılan, məktəb tərəfindən övladlarımızın təhsili üçün görülən işlərə kölgə salan məqaləni oxuduq və tam əminliklə bildiririk ki, o faktların heç biri ilə razı deyilik.

Biz məktəb tərəfindən təşkil olunan dərslərin vaxtı və keyfiyyəti ilə bağlı məktəbə qarsı heç bir narazılığımızın olmamasını bildirməklə yanaşı, əksinə, qısa müddət ərzində yeni formada tədrisi təşkil edilən dərslərin keyfilyyətli və bu dərslərin onlayn keçirilməsinə baxmayaraq, övladlarımız tərəfindən tam məsuliyyətlə ciddiyə alınmasının bizim gözlədiyimizdən də yüksək olduğunu qeyd etməyi vacib bilirik.

Pandemiya dövründə dərsləri dünyada qəbul edilmiş mütərəqqi onlayn təhsil sistemi ilə davam etdirərək,övladlarımızın tədris proqramından geri qalmaması üçün gördüyünüz işlərə görə Sizə və kollektivinizə təşəkkür edirik!

Hörmətlə:

Ceyhun Məmmədov

Elçin Mustafayev

Qabil Həsənov

Nəriman Rəhimov

Rauf Atakişiyev

Pərvin Məcidova

Vəfa Məmmədova

Şəlalə Hüseyin

Atəş Hüseynov

Ruslan Əliyev