2020-ci il mayın 18-i və 28-də “Koronavirus problemləri ilə üzləşən elmi və texnoloji əməkdaşlıq” adlı 7-ci Elm və Texnologiya Mübadilə Proqramı Sammiti (STEP) keçirildi. Sammitin ilk günü “İslam ölkələrinin tibb işçilərinin COVID-19 ilə işləmə təcrübələrini və müşahidələrini bölüşmək” mövzusuna yönəldilmişdi.

Sammitin bu iclasında Xəzər Universitetinin EILINK Tədqiqat və İnkişaf Mərkəzinin direktoru Rüstəm Rüstəmov “Nailiyyətlər və problemlərin paylaşımı / COVID-19 üçün Yüksək Texnologiyaların Təminatı” mövzusunda təqdimatla çıxış etdi.