2020-ci il martın 2-dən 6-dək Xəzər Universitetində “Qeyri-müəyyən bir gələcəyə? 2040-cı ildə Aİ və Qafqaz” mövzusunda vorkşop keçirildi. Alman Akademik Mübadilə Xidmətinin (DAAD) maliyyələşdirdiyi vorkşop Almaniya, Gürcüstan və Azərbaycandan 21 iştirakçı tələbəni bir araya gətirdi. Tübingen Universitetinin professoru, doktor Tomas Diez; Xəzər Universitetinin Siyasi elm və fəlsəfə departamentinin müdiri Dr. Elmar Mustafayev; Romadakı Istituto Affari Internazionali (IAI) Şərqi Avropa və Avrasiya proqramının rəhbəri, Dr. Nona Mikhelidze; SSC Avropa mütəxəssisləri Sebastian Schaffer və İris Rehklau-nun rəhbərlik etdiyi seminar üç blokdan ibarət idi:

1) Mədəni ayrılıqlar arasında ünsiyyəti asanlaşdırmaq üçün mədəniyyətlərarası seminar

2) Aİ-Qafqaz münasibətlərinə dair tədris bloku

3) 2040-cı ildə Avropa İttifaqı-Cənubi Qafqaz münasibətləri üçün ssenarilər hazırlamaq üçün qrup məşqi

Seminarın ilk günündə İris Rehklau iştirakçıları mədəniyyət, ünsiyyət və ünsiyyətin əsasları ilə tanış etdi, ardınca tələbələrin mədəniyyətlərarası ünsiyyət üzrə praktik qrup işlərini izlədi. Seminar doktor Thomas Diez-in “Beynəlxalq münasibətlərin analitik perspektivləri” və “Aİ-nin beynəlxalq münasibətlərdə rolu” mövzulu seminarları ilə davam etdirildi.

Seminarın ikinci günü mədəniyyətlərarası ünsiyyət üzrə İris Rehklau rəhbərlik etdiyi praktik qrup işinin davamı ilə başladı. Bundan sonra seminar “Azərbaycan və Gürcüstanın siyasi sistemləri və xarici münasibətləri” mövzusunda panel müzakirəsi ilə irəlilədi. Panel iştirakçıları Dr. Elmar Mustafayev və Dr. Nona Mikhelidze iştirakçılara Azərbaycan və Gürcüstanın xarici siyasət prioritetləri və Cənubi Qafqazdakı təhlükəsizlik problemləri barədə məlumat verdilər. Panel müzakirəsi sual-cavab sessiyası və debatlarla davam etdi. Panel müzakirələrindən sonra Sebastian Schaffer “Aİ və onun qonşuluq siyasəti” mövzusunda seminar verdi. Çərşənbə günü iştirakçılar, potensial iqtisadi, siyasi və təhlükəsizlik aparıcıları müəyyənləşdirərək, dünya siyasi işlərində ssenarilərin qurulması ilə təlim aldılar. 4 qrupa bölünən iştirakçılara 2040-cı il üçün ssenariləri hazırlamaq tapşırıldı.

Martın 5-də iştirakçılar Aİ-nin Bakıdakı nümayəndəliyini ziyarət etdilər və Aİ nümayəndəliyinin rəhbəri, səfir Kestutis Jankauskas ilə “Aİ-Şərq Tərəfdaşlığı” və Aİ-nin Azərbaycan münasibətləri ilə bağlı müzakirələr apardılar. Seminarın son günü qrupların qurduğu ssenarilərin müzakirəsinə həsr olundu. Tələbələr ssenarilərini siyasi və iqtisadi aparıcılara əsaslandıraraq, təqdim etdilər. Təqdimatlardan sonra seminar yekun qeydlər və sertifikatların paylanması ilə başa çatdı.