2019-cu il dekabrın 29-da Xəzər Universitetinin Psixologiya departamentinin müəllimi və doktorantı Nilufər Əlizadənin təşkilatçılığı ilə Maştağa qəsəbəsində yerləşən 128 nömrəli məktəbin 6-cı sinif şagirdləri ziyarət olundu. Xəzər Universitetinin tələbələrinin də iştirak etdiyi tədbirdə universitetlərin əməkdaşları adından sosial-iqtisadi vəziyyəti aşağı olan, aztəminatlı ailələrin övladlarına bayram hədiyyələri təqdim olundu. Bundan əlavə, Şaxta Baba və klounun iştirak etdiyi tədbirdə uşaqlar da öz bacarıqlarını göstərməyə imkan tapdılar. Məktəb rəhbərliyi, müəllimlər və şagirdlər Xəzər Universitetinin bu addımını yüksək qiymətləndirərək, öz təşəkkürlərini bildirdilər.