2019-cu il dekabrın 27-də Xəzər Universiteti Bakı “Dünya” məktəbində məktəbin və Binəqədi Rayon İcra Hakimiyyətinin birgə təşkilatçılığı ilə əlil və qəyyumluqda olan uşaqlar üçün Yeni il şənliyi keçirildi.
Tədbirdə çıxış edən Dünya məktəbinin direktoru Mərufə Mədətli, Binəqədi Rayon İcra Hakimiyyəti aparatının baş məsləhətçisi Elnur Məmmədov, Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Orxan Əliyev tədbir iştirakçılarını bayram münasibətilə təbrik edib, uşaqlara, gənc nəslə göstərilən dövlət qayğısından danışdılar.
Şaxta baba və Qar qız uşaqları maraqlı çıxışları və bayram sovqatları ilə sevindirdilər, “Dünya” məktəbinin şagirdlərinin hazırladıqları bədii-musiqili proqram iştirakçılarda xoş əhval-ruhiyyə yaratdı.