Noyabr və dekabr aylarında ölçmələr tələbələr tərəfindən Bakı şəhəri üzrə 14 məntəqədə, hər məntəqədə iki dəfə olmaqla aparılmışdır.
Noyabrla müqayisədə dekabr ayında havanın keyfiyyətində kəskin pisləşmə müşahidə olunmuşdur. Əgər noyabrda “Gənclik”, “Əhmədli” və “İçərişəhər” metro stansiyalarının ətrafını ən çirkli ərazilər adlandırmaq olardısa, dekabr ayında bu səviyyə bütün məntəqələrə aid edilə bilər.
Ən kəskin çirkləndiricilər isə, əvvəlki kimi, TVOC (Uçucu üzvi birləşmələr) və NO2, əsas çirklənmə mənbələri də, əvvəlki kimi, avtomobillər (xüsusilə iri avtobuslar) olmuşdur.