2019-cu il dekabrın 20-də Xəzər Universiteti Psixologiya departamentinin müəllimi və doktorantı Nilufər Əlizadənin təşkilatçılığı ilə “Hackathon Xəzər 2019” yarışmasının iştirakçıları ilə görüş keçirildi. Görüşün əsas məqsədi yarışın gedişatı, qaydaları və sonda qalib komandanın dəyərləndirilmə meyarları haqqında məlumat vermək idi. Görüşdə Təlim və tədris mərkəzinin direktoru Ülkər Bayramova, AL tədqiqatçı Saber Malekzadə və Karyera inkişaf mərkəzinin koordinatoru Fəxrəddin Abdullayev iştirak edərək, tələbələrin suallarını cavablandırdılar. Qeyd edək ki, yarış dekabrın 26-sı və 27-də universitetin “Mərmər” zalında baş tutacaq.