2019-cu il dekabrın 18-də Xəzər Universitetində “Bodrum Lujo” hotelin nümayəndələri ilə universitet rəhbərliyi və əməkdaşlarının görüşü oldu. Görüşdə Xəzər Universitetini rektor dosent İradə Xəlilova,. Akademik işlər üzrə prorektor professor Məhəmməd Nuriyev, İqtisadiyyat və menecment fakültəsinin dekanı Dr. Ceyhun Məmmədov, Karyera inkişaf mərkəzinin koordinatoru Fəxrəddin Abdullayev, “Bodrum Lujo” hotelin Ön ofis meneceri Çağrı Kaya, Qida menecer assistenti Burak Vurucu, İnsan resursları meneceri Safiye Sakallıoğlu, İnsan resursları mütəxəssisi Aynur Əliməmmədova, Satış və marketinq mütəxəssisi Fuad Babayev təmsil edirdilər.

Görüş zamanı iqtisadiyyat və menecment tələbələrinin Türkiyədə ixtisasları üzrə təcrübə keçmələri və gələcək iş imkanları müzakirə olundu. Safiye Sakallıoğlu Xəzər universiteti ilə əməkdaşlığa xüsusi əhəmiyyət verdiklərini, məzunların işlə təmin olunacaqlarını vurğuladı. Müzakirələrin gedişində hotel nümayəndələri universitet nümayəndələrinin təkliflərinə münasibət bildirib, suallarını cavablandırdılar. Danışıqlar əsnasında əlaqələrin rəsmiləşdirilməsi və layihənin ən qısa zamanda ilkin nümunəsinin tərtib olunmasının müzakirəsi ilə görüş başa çatmışdır.