2019-cu il dekabrın 14-də Xəzər Universitetinin beynəlxalq və yerli tələbələri Gəncə şəhərinə bir günlük səfər etdilər. Səfər Asiya icması tələbələri, “Dünya” məktəbinin şagirdi Araz Cəbrayılovun təşəbbüsü və Beynəlxalq ofisinin dəstəyi ilə təşkil edilmişdi. Səfərin ilk hissəsi Nizami Gəncəvinin məqbərəsi, şüşə ev, Xan bağı, Şah Abbas məscidi, Cavad Xanın məzarı və digər bunun kimi Gəncə şəhərinin əsas görməli yerlərinə həsr olunmuşdu. Azərbaycan Dövlət Kənd Təsərrüfatı Universitetinin yerli tələbəsi Ağasahib Qasımov şəhər turu boyunca bələdçilik etdi.

Şəhər turundan sonra Xəzər Universitetinin tələbələri Gəncə Şəhər Uşaq Evinə baş çəkdilər. Səfər zamanı tələbələr və Xəzər Universitetinin əməkdaşları tərəfindən müxtəlif mövzularda təqdimatlar təqdim edildi. Bu vaxt uşaqlar üçün kitablar, dəftərxana ləvazimatları, dil öyrənmə vasitələri, lövhəciklər, sənətkarlıq üçün avadanlıqlar və s. kimi hədiyyələr gətirildi.

Açılış vaxtı, təqdimatına başlamazdan əvvəl, Xəzər Universitetinin tələbəsi Murtaza Afzali uşaqlarla birlikdə əyləncəli fəaliyyət həyata keçirdi. Sonra o, “BMT –Davamlı İnkişaf Məqsədləri” mövzusunda təqdimat etdi. Təqdimat zamanı uşaqlara BMT-nin məqsədləri barədə məlumat verildi və aparıcı uşaqların fəal iştirakını təmin etdi. Afzalinın təqdimatından sonra Xəzər Universitetinin Beynəlxalq ofisində təcrübə keçən Aynur Abbassoy “Dünyanı dəyişən uşaqlar” mövzusunda təqdimat etdi və Greta Thunberg, Malala Yousafzai, Reyhan Camalova, Cek Andraka kimi qəhrəmanları onlara nümunə göstərdi.

Sonra “Dünya” məktəbinin şagirdi Araz Cəbrayılov “Gənclərin keyfiyyəti təhsili” adlı layihəsini təqdim etdi və təhsilin əhəmiyyətini vurğuladı. Xəzər Universitetinin beynəlxalq tələbəsi İmtiaz Əhməd uşaqlara əyləncəli, eyni zamanda, məlumatlı “7 Dünya” mövzusunda təqdimat etdi, mövzu qitələr, okeanlar haqqında idi və İmtiaz Əhməd uşaqların fəal iştirakını təmin etdi.

Son təqdimat Xəzər Universitetinin beynəlxalq ofisi və Beeco təşəbbüsünün təsisçisi İncə Əliyeva tərəfindən “Mövcud ekoloji problemlər və ətraf mühitə təsirin azaldılması yolları” mövzusunda verildi. Uşaqlara ətraf mühitin çirklənməsi, iqlim dəyişikliyi, meşələrin salınması və meşələrin qırılması növləri barədə məlumat verildi.

Sonda Gəncə Uşaq evi uşaqları maraqlı rəqs tamaşaları təqdim etdilər.