2019-cu il dekabrın 11-də ENACTUS proqramının layihə direktoru Əziz Fələkzadə Xəzər Universitetində qonaq oldu. Əziz Fələkzadə İqtisadiyyat və menecment fakültəsinin tələbələri ilə görüşdü, müsabiqə haqqında məlumat verdi və tələbələrin layihə haqqında suallarını cavablandırdı.

ENACTUS dünyanın ən böyük təcrübə öyrənmə platformalarından biridir. Layihənin məqsədi lider sahibkarlar və sosial innovatorlar yetişdirərək, cəmiyyətə töhfə verməkdir. Layihə çərçivəsində tələbələrin sahibkarlıqla bağlı ideyaları təkmilləşdirilərək, müsabiqədə iştirak üçün təqdim olunacaq. Seçilən layihələrin müəllifləri daha sonra Hollandiyada keçiriləcək beynəlxalq yarışmada Xəzər Universitetini və Azərbaycanı təmsil etmək hüququ qazanacaqlar.