2019-cu il dekabrın 6-da Xəzər Universiteti İqtisadiyyat və menecment fakültəsinin təşkilatçılığı ilə “Maliyyə bazarlarında praktik fəaliyyət” mövzusunda təlim keçirildi. Təlimi “İnvest-Az İnvestisiya Şirkəti”nin mütəxəssisləri aparırdılar. Təlimin məqsədi maliyyə bazarlarına marağı artırmaq, tələbələrin maliyyə biliklərini genişləndirmək və onlara bu sahədə mövcud mütərəqqi praktik qabiliyyətlərin aşılanması idi.

Təlim zamanı Birja və onun növləri haqqında məlumat verildi. Bundan başqa, maliyyə aktivlərindən mənfəət əldə etmənin metodları, marjinal ticarət və kredit çiyni kimi sahə spesifik məsələlər ətraflı izah olundu. Əlavə olaraq, maliyyə sahəsində geniş istifadə olunan kompüter proqramlarının mənimsənilməsi praktik məşğələlərlə həyata keçirildi. Maliyyə bazarlarına təsir edən sosial-iqtisadi və siyasi amillər geniş müzakirə olundu.