2019-cu il noyabrın 29-da Xəzər Universiteti Karyera Mərkəzinin təşkilatçılığı ilə İnşaat mühəndisliyi ixtisası üzrə təhsil alan 3-cü və 4-cü kurs tələbələrinin karyera imkanlarının dəyərləndirmələri məqsədilə Ramco QSC tikinti şirkətini dəvət edilmişdi. Görüşü Karyera Mərkəzinin koordinatoru Fəxrəddin Abdullayev açaraq tələbəlrin karyera imkanlarını düzgün dəyərləndirmələrini və təcrübə proqramlarında aktiv iştirak etmələrini vurğuladı və bu halda peşəkar işçilərə çevrilməyin mümkün olduğunu qeyd etdi. Daha sonra söz şirkətin əməkdaşlarına verildi. Təqdimatı şirkətin insan resursları üzrə assistenti İlkin Cavadzadə edərək, tələbələrə Ramco-da düzgün iş tapmaq imkanları haqqında məlumat verdi. Daha sonra şirkətin digər nümayəndələri də təqdimatın axarında potensial işçilərdə və təcrübəçilərdə axtardıqları dəyərləri qeyd etdilər.
Təqdimatın sonunda tələbələrin sualları cavablandırıldı və şirkətin potensial işçisi olmaq üçün imtahan verildi.