2019-cu il dekabrın 6-da Xəzər Universiteti Karyera Mərkəzinin təşkilatçılığı ilə universitetin İqtisadiyyat və menecment fakültəsinin 3-cü və 4-cü kurs tələbələrinin karyera imkanlarının dəyərləndirilməsi məqsədilə “KPMG Azerbaijan” şirkətilə görüşü baş tutdu. Görüşü Karyera Mərkəzinin koordinatoru Fəxrəddin Abdullayev açaraq, tələbələrin karyera imkanlarını düzgün dəyərləndirmələrini və təcrübə proqramlarında aktiv iştirak etmələrini vurğuladı. Daha sonra F.Abdullayev sözü şirkətin əməkdaşlarına verdi. Təqdimatı şirkətin İnsan resursları üzrə koordinatoru Aydan Bədəlova edərək, tələbələrə “KPMG” şirkətində düzgün iş tapmaq imkanları və hazırda olan aktiv vakansiyaları haqqında məlumat verdi. Daha sonra şirkətin Audit üzrə baş meneceri Mələk Abbaslı (Xəzər Universitetinin məzunu) təqdimatın axarında potensial işçilərdə və təcrübəçilərdə axtardıqları dəyərləri qeyd etdi. Təqdimatın sonunda tələbələrin sualları cavablandırıldı və “KPMG”-nin potensial işçisi olmaq istəyən tələbələr şirkətin baş ofisində imtahan vermələri üçün qeydə alındılar.