2019-cu il dekabrın 10-da tarixdə Xəzər Universiteti Karyera Mərkəzinin təşkilatçılığı ilə İqtisadiyyat və menecment fakültəsinin tələbələrinin karyera imkanlarını dəyərləndirmələri məqsədilə “P&G Caucasus” şirkətilə görüşü baş tutdu. Görüşü Karyera Mərkəzinin koordinatoru Fəxrəddin Abdullayev açaraq, tələbələrin karyera imkanlarını düzgün dəyərlənirmələrini və təcrübə proqramlarında aktiv iştirak etmələrini vurğuladı. Daha sonra Fəxrəddin Abdullayev sözü şirkətin əməkdaşı Ruslan İbrahimova verdi. Ruslan İbrahimov tələbələrə 3 aylıq yay təcrübə proqramı haqqında ətraflı məlumat verdi. Eyni zamanda, “P&G Caucasus” şirkətində düzgün iş tapmaq imkanları və hazırda olan aktiv vakansiyaları haqqında məlumat verdi. Təqdimatın sonunda tələbələrin sualları cavablandırıldı.