2019-cu il dekabrın 6-da Beynəlxalq Fələstin Xalqı ilə Həmrəylik Günü münasibətilə Xəzər Universiteti Siyasi elmlər və fəlsəfə departamenti Fələstinin Azərbaycandakı səfiri Nasser Abdel Karem ilə “Fələstində və Yaxın Şərqdə sülh, sabitlik və təhlükəsizlik” mövzusunda seminar təşkil etdi.

Tələbələrə Fələstin münaqişəsinin tarixi, sülh prosesindəki mövcud inkişaflar və iki dövlətli həll yolundakı çətinliklər barədə məlumat verildi. Seminar sual və cavab sessiyası ilə davam etdi.

Seminarda, BMT-nin Qlobal Kommunikasiyalar Departamentinin Azərbaycan təmsilçisi Dr. Rəşad Hüseynov da iştirak edərək, BMT Baş katibi António Guterresin Fələstin xalqı ilə Həmrəylik Günü münasibətilə mesajını oxudu.