2019-cu il noyabrın 29-da Britaniya Konsulluğunun sponsorluğu və Xəzər Universiteti İqtisadiyyat və menecment fakültəsinin təşkilatçılığı ilə “Creative Spark” layihəsi çərçivəsində ilk təlim baş tutdu. Layihənin əsas məqsədi innovativ ideyaları olan tələbələrə öz ideyalarını gerçəkləşdirə bilmələri üçün imkan yaratmaq, tələbələr arasında sahibkarlıq təşəbbüslərini təşviq edərək, dayanıqlı inkişafa töhfə verməkdir. Təlim zamanı tələbələrə layihənin məqsədi, prinsip və mərhələləri haqqında geniş məlumat verilmişdir. Bundan başqa, sahibkarlığın iqtisadi inkişafda rolu, yenilikçi, innovativ düşüncə tərzinin formalaşmasında mövcud mütərəqqi metod və üsullar haqqında ətraflı məlumat verildi.