2019-cu il dekabrın 2-də Nottingham Ningbo Universitetinin müəllimi Dr.Nicholas Ross Smith Xəzər Universitetinin Siyasi elmlər və fəlsəfə departamentinin tələbələrinə “Risklər düzgün qiymətləndirilməyəndə: Ukraynanın Rusiya və Avropa İttifaqı arasında siyasi riskləri düzgün qiymətləndirməməsinin neoklassik realist nəzəriyyədən təhlili ” mövzusunda seminar keçirdi.

Mövzunun giriş hissəsində ikivektorlu və çoxvektorlu xarici siyasətin faydaları və mümkün təhdidləri barəsində ümumi məlumat verən qonaq mühazirəçi daha sonra mövzunu Ukrayna nümunəsində tələbələrə izah etdi. Ukraynanın Rusiya və Qərblə əməkdaşlığındakı çətinliklər, habelə bölgədəki mövcud vəziyyət müzakirə edildi.

Seminar sual-cavab sessiyası ilə yekunlaşdı və Dr.Smith tələbələrə fəal iştirak etdikləri üçün təşəkkür etdi.