2019-cu il noyabrın 29-da Xəzər Universitetində “Python ilə məlumat elmi” seminarlar silsiləsi başladı.

Qeyd edək ki, məlumat əsrində məlumat elmi ilə tanış olanlar üçün potensial imkanlar genişdir. Hər biri məlumat elminin üzərində qurulan süni intellekt, əşyaların interneti və blockchain kimi texnologiyalar əsasında insan cəmiyyətinə böyük təsir göstərən 4-cü Sənaye İnqilabının başlaması ilə məlumat mütəxəssislərinə ehtiyac daha da artmışdır.

Məlumat elmi yalnız informasiya texnologiyalarına təsir göstərmir, eyni zamanda, demək olar ki, bütün elm sahələrinə təsir göstərir. Məsələn, tərcümə, sənəd təsnifatı və ya hətta məzmunun qavranılması kimi funksiyalarda kompüterlərlə dillərin sürətli prosesi mühəndislik sahəsi olmayan ədəbiyyata da təsir göstərmişdir.

Beləliklə, daha çox məlumat mütəxəssisinə ehtiyac inanılmaz dərəcədə sürətlə artır və Azərbaycan elmi ictimaiyyətinin bir hissəsi olaraq Xəzər Universiteti məlumat elmi və süni intellekt mövzusunda seminarlar silsiləsi keçirmək qərarına gəlmişdir.

Seminarların keçirilmə vaxtı bazar ertəsi və cümə günləri olmaqla, təxminən 50 saat davam edəcək. Xəzər Universitetinin məlumat elmi seminarı bütün ölkədən gələn həvəskarlar, müəllim və tələbə heyəti üçün nəzərdə tutulmuşdur.

Sonda “Şəxsiyyətin tanınması” və “Tibbi görüntünün işlənməsi” mövzusunda iki əsas layihə həyata keçiriləcək. 5-dən çox seminarı buraxmayan və layihələrdə effektiv iştirak edən şəxslər Xəzər Universitetindən rəsmi sertifikat alacaqlar.